كلماتي

الشوق

وحياتك عندي ما تسبني    دانا شوقي مغلبني

وطول البعد دوبني ودوبت انا فيك

والدنيا كات قصاد مني       وفجأة خدتها مني

وغاب الفرح انا عني في بعد عنيك

والشوق .. والشوق عمال يناديني كل يوم ويناديك

والشوق .. والشوق حيرني معاك خلاني اسهر لياليك

والشوق .. خلاني ادوب وياك اكتر ما انا دايب فيك

وليلاتي بعيش علي ذكري      وتيجي في بالي ميت فكرة

واقول يمكن يكون بكرة معاد الشوق

وبحلم حلمي واتمني         وبعيش مع قلبي نستني

في يوم تبقي الحياة جنة وفجأة بفوق

والشوق .. والشوق عمال يناديني كل يوم ويناديك

والشوق .. والشوق حيرني معاك خلاني اسهر لياليك

والشوق .. خلاني ادوب وياك اكتر ما انا دايب فيك

احمس

من غير كلام

من غير كلام

من غير كلام حسينا بعض وشوفنا شوقنا وحبنا

واوام اوام بقي بينا وعد وذكريات بتضمنا

ونسينا كل العمر اللي كان زمان من قبلنا

يعني اتولدنا بس يومها ويومها دق قلبنا

بس نظرة من عنيه قابلتها نظرة من عيوني

بسرعة قلبي مال عليه وقلبو صدقني في ظنوني

حسيت كاني ملك ليه وقلبو كان ملكي انا

كات احلي لحظة في كل لحظة عاشها قلبو وعشتها

لحظة ما بان علي قلبي حبه وبان عليه في وقتها

حسيت كاني ملك ليه وقلبو كان ملكي انا

ايه اللي ممكن يجري تاني احلي من اللي قلبي فيه

حلمي كان اشوفه مره او اعدي قصاد عنيه

النهارده انا قلبي ملكه وقلبه ده ملكي انا

احمس

مش واخد بالي منك

مش واخد بالي منك

مش واخد بالي منك حاسس وكاني عارفك كاني في يوم قابلتك

كده في مرة زمان

شكلك ده مش غريب احساسي بيك عجيب مش سهل ارتاح لحد

ولا سهل ادي الامان

ومعاك حسيت بحاجة واخداني مني ليك

صحيت فيه مشاعر اول ما شفت عنيك

ولاقيتك فجأة عايش جوايا من سنين

مش حد قابلته مرة ولا حد ارتحت ليه

ولا قلب لاقيته طيب ولا شوق حستني فيه

دا انت اكبر كتير ما تقولي انت مين

معقوله تكون صحيح حبيبي بتاع زمان

معقوله تكون عنيك لسه بنفس الحنان

معقوله يكون هواك راجعلي يعيش معايا

معقوله صحيح يا دنيا ممكن تتبسمي

وتبصي في حظي تاني وتاني تقسمي

وترجعي اللي غايب وتعيدي من البداية

ياه دا مكنتش احلم في يوم يحصل كده

انا قلبي كان مسلم وعايشها كده

وكنت نسيت خلاص احساسي بكل شئ

وفجأة صحيت لاقيتك واقف قدام عنيه

حسيت كاني ميت واتردت روحي فيه

اول مرة في حياتي بلاقيني مش غريق

احمس

مش ضروري

مش ضروري

مش ضروري القلب يبكي لو في مرة ينجرح

مش ضروري العين تدمع لو ما شافت يوم فرح

مش مهم يبان علينا لو لاقينا كتير عذاب

خلي دمعتنا في عنينا وسد ليها أي باب

خلينا مع نفسنا ... هو مين بيحسنا

كل واحد همه واحد والهموم دي ضدنا

معدش حد يخاف بقي .. من الوداع ولا من اللقا

والمشاعر مالها شاعر والحياة دي مش لنا

ناس كتير بيبان عليهم انهم مش مجروحين

يمكن تشوف ضحكة في عنيهم بس من جوه حزين

بيداروا ياما وينكروا أي جرح واي نار

بس لأ ده مفيش قلوب خالية من طعم المرار

خلينا مع نفسنا ... هو مين بيحسنا

كل واحد همه واحد والهموم دي ضدنا

معدش حد يخاف بقي .. من الوداع ولا من اللقا

والمشاعر مالها شاعر والحياة دي مش لنا

احمس

قولت لها بحبك ليه

قولت لها بحبك ليه

قولت لها بحبك ليه .... لما انت ما حستهاش
ايه كان قصدك منها ايه ..... كان قصدك تعيش وخلاص

ولا كان همك جراح فيها          ولا كان همك دموع ليها
ولا كان همك آلامها تزيد
لو عرفت ان شوقها بلاش

قولت لها بحبك ليه .... لما انت ما حستهاش

عشقت زمان حبيب سابك .... وذنبها ايه تسد الدين
بلاش تزود المجاريح ......وتبقي انت من الخانين

وبلاش تزيد لها دموعها      وبلاش احساسها يوجعها
وبلاش الجرح في اللي حب
لو حتي ماحبتهاش

قولت لها بحبك ليه .... لما انت ما حستهاش

ملاك حبك وكان عايز .... يعيش علشانك انت وبس
ليه ترميه في وهم كبير .... ليه عايزو يحس بجرح

ليه فكرت تجرحها      وتخطف منها افراحها
بلاش ترميها وسط النار
وحياتك ما تتعبهاش

قولت لها بحبك ليه .... لما انت ما حستهاش

احمس

قلبك كبير

قلبك كبير

قلبك كبير ... بيساع كتير ... وانا كنت واحد منهم

بتعيش يومين ... تفرح يومين ... بعدين تسيبهم كلهم

ويهون عليك ... وتسيب ايديك ... كل اللي ياما شفتهم

ازاي وليه ... قلبك ده ايه ... ازاي بتقتل حلمهم

ازاي يهون عليك كده ... تجرح كتير في ده وده

وتبيع كمان بالشكل ده وكأن قلبك ده شيطان

بتسيب قلوب من غير رجوع ..وتملا عيونهم بالدموع

واهو ده مريض وده موجوع وانت ولا حسيت كمان

صحيح انا حبيت زمان بس دلوقتي برئ

من الحب ده والشوق كمان مش عايز افتكرك بشئ

كل اللي عام في بحور هواك اسمه دلوقتي غريق

كان فاكر ان هواك امان بس طلع حضنك حريق

ازاي يهون عليك كده .... تجرح كتير في ده وده

وتبيع كمان بالشكل ده وكأن قلبك ده شيطان

بتسيب قلوب من غير رجوع.. وتملا عيونهم بالدموع

واهو ده مريض وده موجوع وانت ولا حسيت كمان

احمس

في عنيك

في عنيك

في عنيك ... انا كنت شايفة الشوق      خادني وطاربي لفوق

وسابني حبة حبة     وفجأة لاقتني تحت

في عنيك ... كان فيه كتير احلام      وغرام ما بعده غرام

وهان ده كله عليك   وحتي انا برضو هنت

كان مستحيل الجرح يجي من هواك

علي كل حاجة فيه كنت مآمناك

ولا كان في بالي اشوف في يوم غدر في عنيك

كنت عندي اغلي من نفسي بشوية

علشان عنيك ممكن اسيب الدنيا ديه

ومكنتش اعرف انه سهل اهون عليك

في عنيك ... شفت الغدر ماليهم      والجرح باين فيهم

ليه ده انا كنت منك     وعشانك كان هوايا

ده عنيك ... كانت قاسية عليه     قتلت احلامي فيه

ماليتني بشوق كبير    وجرحتني في النهاية

كان مستحيل الجرح يجي من هواك

علي كل حاجة فيه كنت مآمناك

ولا كان فب بالي اشوف في يوم غدر في عنيك

كنت عندي اغلي من نفسي بشوية

علشان عنيك ممكن اسيب الدنيا ديه

ومكنتش اعرف انه سهل اهون عليك

احمس

شكلك كده

شكلك كده

شكلك كدا .. تعبان كدا .. وعنيك كدا سهرانة

شكلك كدا .. حبيت كدا .. من الحب دا اه يانا

شكلك كدا جواك غرام عمال تخبي وتداريه

وعنيك كدا فيها كلام لا هي ساكتة ولا بتحكيه

ما بلاش تعب ما بلاش الام علي ايه تخبي بس ليه

افتحلي قلبك قول اوام ألا الهوي ينسانا

شكلك كدا .. قلبك كدا .. عاشق كدا وولهان

شكلك كدا .. دايب كدا .. من الحب دا حيران

نفسك تقرب بس خايف قولي ليه دا انا مني ليك

خلي قلبك يبقي عارف ان قلبي ده شاريك

طول عمري عاشق وانت شايف قد ايه انا دوبت فيك

يلا قولي قلبي حبك خلي الفرح يلقانا

احمس

زلة لسان

زلة لسان

كلمة وداع انا قولتها ..... وسمعت منها زيها

وبعدنا خالص بعدها وكأنا محبناش

اتهد كل اللي اتبني ... ضاعت سنين فرح وهنا

مات حضن كان بيضمنا راح كل ده ببلاش

ازاي نهون بالشكل ده ... ونسيب غرام كان ابتدا

وحب اطيب من الندا يروح مع النسيان

من غير تمن ممكن نبيع ..معقولة كل شئ يضيع

ويموت هوي في عمر الربيع علشان زلة لسان

بكلمة مش مترتبة ... راح اغلي حلم في الصبا

احاسيس جميلة وطيبة مبقاش ليها مكان

عارف غلطت وبعتذر ... في البعد قلبي بينفطر

ما تصلح اللي بينكسر لكن بلاش حرمان

ازاي نهون بالشكل ده ... ونسيب غرام كان ابتدا

وحب اطيب من الندا يروح مع النسيان

من غير تمن ممكن نبيع ..معقولة كل شئ يضيع

ويموت هوي في عمر الربيع علشان زلة لسان

احمس

دلوقتي

دلوقتي

دلوقتي جاي تسال عليه وتقولي مالك

دلوقتي قلبك حس بيه وخت بالك

دلوقتي بعد دموع عنيه جاي بتواسيني

دلوقتي بس عرفت انك كنت جارح

دلوقتي جاي وعايزني ارجعلك واسامح

دلوقتي ليه فكرت انك هتلاقيني

دلوقتي ايه ما خلاص كده الوقت فات

دلوقتي ايه كل الهوي بقي ذكريات

حتي الحنين جوه العنين ده برضو مات

اصل الغرام صعب يعيش ويا الجراح

صعب اقول بعد العذاب كلمة سماح

صعب قلبي في لحظة ينسي اللي راح

دلوقتي مهما تقول كلام مبقاش يفيد

دلوقتي راح منا الغرام لمكان بعيد

دلوقتي هتزيد الالام وتعيش وحيد

علشان هواك كان بين ايديك سيبتو يموت

علشان زمان ناديت عليك وباعلي صوت

وانت بعدت والرد كان بس بسكوت

احمس

انا عايزاك

انا عايزاك

انا عايزاك ... هنا جنبي ... مع قلبي ... تعيشني غرامي معاك

انا عايزاك ... قريب مني ... تطمني ... تحسسني كتير بهواك

انا عايزاك

تكون اقربلي من الدنيا تعيشني في حياة تانية

وتخطف قلبي وفي ثانية ... ادوب وياك

انا عايزاك

تكون دايما في احلامي تحلي كل ايامي

اشوفك جنبي قدامي ... يا احلي ملاك

انا عايزاك

ومش عايزة الحياة بعدك اموت لو اعيش في يوم بعدك

هكون دايما علي وعدك ... وهستناك

انا عايزاك

وعايزة تطول ليالينا ويفضل شوقنا مالينا

مفيش غيرنا لبعضينا ... ومش هنساك

احمس

انا راضية بيك

انا راضية بيك

انا راضية بيك ... وكل حاجة فيك انا حباها فيك

انا راضية بيك ... راضية تخطف قلبي مني تاخدني ليك

راضية اعيش لك طول حياتي والسنين

واحلم بحبك واملا قلبك شوق حنين

وافرح لفرحك وادوب معاك من كلمتين

وراضية ابكي لو بكايا هيراضيك

راضية اغني واقول انا دايبة في هواك

وحلم عمري بتاع زمان شفتو معاك

ولو يفوت العمر عمري ما اعشق سواك

اصلك انت احلي من احلامي فيك

ما تخافش عمرك مهما عمرك راح يزيد

انا قلبي دايما بين ايديك هيكون اكيد

وفي كل ثانية شوقي ليك عمال يزيد

ويزيد معاه في كل يوم احساسي بيك

احمس

انا خنت قلوب كتير

انا خنت قلوب كتير

انا خنت قلوب كتير وخدعت قلوب كتير

واول مرة شفتك كان قصدي برضو اخونك

جرحت في ناس كتير وسبت جراح كتير

مش عارف ليه بقولك مش قادر ليه اخونك

حسيت معاكي بحاجة ماحستهاش في حد

لاقيتني معاكي عايش زي اللي حبو بجد

مش عارف غير افكر ازاي ماخنش وعد

انا مش حاسس بروحي كاني بطير لفوق

معقولة يكون هوايا فكر صحيح وحب

ازاي وانا قلبي ميت وكل حياتي كدب

هو اللي مات بيصحي ماتقول مالك يا قلب

اكيد انا بس بحلم وخلاص دلوقتي افوق

انسي كل اللي قولتو انسي شوقي وحبي

انا مش قادر اخونك لكن ماضمنش قلبي

يصحي من حلمه فجأة ويجرح لي في حبايبي

ياريت تنسيني خالص ما تفكريش فيه

قلبك طيب وغالي موجود علشان يعيش

مع قلب برضو غالي يحميكي ما يأذيكيش

انا ما استاهلش حضنك انا اصلا مش بعيش

انا ودعت الحياة وهوايا مات فيه

احمس

كلماتي

الشوق